Gobernuko ordezkariari ez zaizkio pailazo hauek gustatzen

Duela aste batzuk Carlos Urquijok, Espainiako Gobernuko ordezkaria Euskadin, EITBko zuzendariari gutun bat bidali zion euskal telebistak Pirritx eta Porrotx pailazoen saiorik eskaini ez zezan eskatuz “ETA erakunde terroristako presoak” babesten dituztelako. Bideo honetan esaten dutenarengatik izan zen:

Continue reading “Gobernuko ordezkariari ez zaizkio pailazo hauek gustatzen”

Ipar Irlandako “Arazoek” Westminsterrekin zerikusirik ez zutela zirudien

Erresuma Batuko Parlamentuak mahai gainean dituen lege proposamenen artean Ipar Irlandari dagokion bat dago. BBCren laburpenaren arabera, lege proiektu honek Ipar Irlandako politika eta instituzioen lanean aldaketa tekniko batzuk proposatzen ditu. Alderdi politikoei egindako dohaintzen gardentasuna hobetuko du eta ordezkari politikoei aldi berean parlamentu ezberdinetan (Irlandakoa, Erresuma Batukoa eta Ipar Irlandakoa bera) parte hartzea debekatuko die. Ipar Irlandako hauteskundeetan ere aldaketa batzuk dakar.

Herenegun, Londresen nengoela, 81. kanala jarri nuen telebistan, BBC Parliament hain zuzen. Momentu horretan bertan ari ziren Ipar Irlandari buruzko lege proiektuari buruz hizketan osoko bilkuran. Komunen Ganbara ia hutsik zegoen, baina horrek ez ninduen batere harritu, maiz gertatzen da eta. Continue reading “Ipar Irlandako “Arazoek” Westminsterrekin zerikusirik ez zutela zirudien”

“Giza eskubideak krisi ekonomikoko garaietan egiten diren politika publikoen berme gisa” ARARTEKOAren azterlana

IKUS AZTERLANA HEMEN

Behar-beharrezkoa da esanahiz janztea ordezkari politikoek behin eta berriz aipatu izan duten giza eskubideekiko konpromiso hori. Diskurtsoaz harago, giza eskubideen alde irmoki egiteak hainbat inplikazio praktiko dakartza berekin, eta botere publikoek bere egin beharko lituzkete inplikazio horiek, beren konpromisoei leial izateko.

“Giza eskubideak krisi ekonomikoko garaietan egiten diren politika publikoen berme gisa” izeneko azterlan berrian Arartekoak gogoeta egiten du politika publikoen diseinua gidatu behar duten giza eskubideen printzipioen inguruan. Continue reading ““Giza eskubideak krisi ekonomikoko garaietan egiten diren politika publikoen berme gisa” ARARTEKOAren azterlana”

Manikkalingam jauna, zeintzuk dira giza eskubideen alde onak eta txarrak Euskadiko “gatazkari” buelta emateko?

Duela urte erdi, 2011ko urriaren 20an, ETAk su-etena iragarri zuen. Irailaren bukaeran, Kolektibo ezberdinen gonbidapenari jarraiki, Nazioarteko Egiaztatze Batzordea (NEB) sortu zen, nazioarte mailako adituz osaturikoa. NEBaren web gunearen arabera, batzorde honek ez die gai politikoei helduko: “Su-etenaren egiaztatzeari bideratuta dagoen betekizun teknikoa du NEBak. NEBko kideak bake-prozesutan, polizia-lanetan edo inteligentzia zerbitzuetan duten eskarmentu zabalarengatik aukeratuak izan dira”.

Nahiz eta bere burua teknikari taldetzat hartu (edo hori aitortu behintzat), NEBren lana handik haratago joaten ari dela esango nuke nik, batez ere Harremanetarako Nazioarteko Taldea ezker abertzaletik gero eta hurbilago dagoelaren sentsazioa areagotzen ari denez gero. Continue reading “Manikkalingam jauna, zeintzuk dira giza eskubideen alde onak eta txarrak Euskadiko “gatazkari” buelta emateko?”

Arartekoaren adierazpena Giza Eskubideen Nazioarteko Eguna dela-eta

Bihar 63 urte betetzen dira Giza Eskubideen Aldarrikapen Unibertsala (GEAU) onetsi zenetik. Bigarren Mundu Gerra bukatu zenetik hiru urte bakarrik igarotakoan onartu zen aldarrikapen hori, uste osoa baitzuten tolerantziarik ezaren eta basakeriaren aurrean giza eskubideak direla konponbiderik onena. 1948an Aldarrikapen Unibertsala eginez finkatu ziren orain giza eskubideak babesteko eta sustatzeko nazioartean indarrean dagoen esparru juridikoaren oinarriak. Konstituzioaren 10.2 artikuluaren arabera, GEAUn oinarritu behar dute funtsezko giza eskubideei buruzko arau eta politika publikoek.

Hitzaurrean adierazten denez, GEAUren xedea gizaki guztiak beldurretik eta premia larritik libratzea da. Horregatik, aldarrikapenaren 30 artikuluetan barrena modu independentean aitortzen dira eskubide zibilak, kulturalak, ekonomikoak, politikoak eta sozialak. Aldarrikapenaren 22. artikuluak adierazten duenez, pertsona orok “duintasunez bizitzeko eta nortasuna libre garatzeko ezinbestekoak diren eskubide ekonomiko, sozial eta kulturalak lortzeko” eskubidea du. Continue reading “Arartekoaren adierazpena Giza Eskubideen Nazioarteko Eguna dela-eta”

Urtebete giza eskubideak testuinguruan jartzen

Gaur betetzen da blog honen lehenengo urtebetetzea. 2010eko azaroaren 9an, honela azaltzen genuen proiektu honen zeregina:

Giza eskubide komunitateak giza eskubideak testuinguruan jarri behar ditu. Honek eskubide hizkuntza eta tresnak erabiltzea eskatzen du krisi hauen eraginak aldatzeko edo, bestela esanda, krisialdia abagune politiko bihurtzeko.

Ez dugu giza eskubide atzeraldian bizitzeko arriskuan ibiltzerik. Esaldi bakar batean, hauxe da Eskubideak Testuinguruan proiektuaren xedea. Continue reading “Urtebete giza eskubideak testuinguruan jartzen”

Milimetroak

Milimetroak, ez Kilometroak, oraingo honetan. Badaezpada ere albistea entzuteko edo irakurtzeko aukera izan ez baduzu, hementxe duzu berria: Bilduk Maiatzaren 22an parte hartuko du hauteskundeetan. Hala erabaki zuen Auzitegi Konstituzionalak duela 24 ordu baino gutxiago. Atzean utzi dugu Auzitegi Gorenaren epaia (ikus duela zenbait egun idatzitako komentarioa gazteleraz). Atzean ere geratzen dira Espainiako komunikabide ultrakonserbadoreen neurrigabeko erreakzio lotsagarriak (ikus behean adibide batzuk).

Hauteskunde eguna baino lehen promesaz, deiez, erasoz, erdi egiz, gezur osoz, etabarrez beteriko hiru aste dugu geure aurrean. Hori politikariei utziko diet. Baino atzokoak atsedena hartzeko aukera eman digu, segundu batzuetarako baino ez bada ere. Ez nengoen ziur hala bukatu behar zuenik, baina hala izan da, eta hori da garrantzitsua dena. Eta gero gerokoak.

El Abrazo, Juan Genovés, 1976 Continue reading “Milimetroak”